Macario 21 News
مقالات مشابهة
أعلن النجم المصري حسين فهمي دخوله عالم مواقع التواصل الاجتماعي من خلال تدشين صفحاته الرسمية على كل المواقع، وذلك في فيديو نشره عبر صفحته الخاصة على “إنستغرام”.
وقال فيه: “مساء الخير وأهلاً بحضراتكم جميعاً أنا بسجل الفيديو دا لحضراتكم عشان أقولكم حاجتين مهمين أولاً أنا كنت طول عمري بعيد عن السوشيال ميديا وكنت بعتبر دا عالم افتراضي بعيد عننا وإنه عالم مش واقعي، لكن للأسف الشديد في الفترة الأخيرة اكتشفت إن فيه ناس كتير بتتكلم باسمي وبتقول معلومات غلط”.
وتابع فهمي: “فيه معلومات كتير أوي مكتوبة عني غلط وفيه ناس بتستفيد من اسمي ولقيت أصدقاء ليا بتقول بعتنالك وأرسلنالك وتابعناك وإنت قولت ومقولتش، الحقيقة إن الحكاية زادت فأنا قررت إن يبقى ليا ويب سايت وإن أخشّ في السوشيال ميديا بكل ما فيها من حسنات وسيئات وأتقبّل مصيري وأستحمل ما دام فضلت فترة بعيدة فيُستحسن أقرب”.
وأضاف: “أنا فعلاً مكنش ليا حساب وناس كتير استغلت اسمي فأنا النهاردة هيبقى عندي حساب وهقولكوا عليه علشان تتابعوني عليه وهو بيتوثق دلوقتي ومن فترة قريبة جداً هنبقى موجودين هتكلم معاكو في حاجات كتير أوي لأن عندي حاجات كتير أوي احكيها عندي ذكريات سواء في الفن أو التاريخ أو الفلسفة هنتكلم في أي حاجة عايزين تتكلموا فيها”.
وأكّد فهمي حساباته الخاصة على مواقع التواصل الاجتماعى، سواء الموقع الإلكتروني الخاص به أو بريده الإلكتروني أو “إنستغرام” أو “فايسبوك” أو “تيك توك” أو “يوتيوب” أو “تويتر”.
كما علّق على الفيديو الذي نشره قائلاً: “أهلا متابعيني الكرام اتشرفت بيكم في قناتي المتواضعة للاسف ظهر أخيراً صفحات وحسابات كتير بتحمل اسمي وجاري العمل علي انهائها وتوثيق الحسابات الحالية وتم عمل ڤيديو مباشر من قناتي الوحيدة لتاكيد حساباتي حرفياً الرجاء متابعتي اتشرفت بيكم”.
وتابع: لمتابعة اخباري لحظة بلحظة الرجاء المتابعة على كافة المنصات في الأسفل (فايسبوك – انستغرام – يوتيوب – تويتر – تيك توك – موقعي الرسمي).
