الناشطة نعمت بدر الدين في اشرس مواجهة على وزير الاتصالات وفضح حقائق تحصل في الوزارة ..

26/08/2022 اخبار لبنان

غردت الناشطة نعمت بدر الدين على حسابها ” تويتر” عدة تغريدات موجهة لوزير الاتصالات جوني قرم جاء بتغريداتها ما يلي :

‏الوزير ‎جوني قرم

جزء من المافيا الحاكمة برعاية ‎نجيب ميقاتي
ما شبعوا بعد ومكفيين بالنهب ونهج المحاصصة.

قرم مستمر بترقية الموظفين المقربين من حركة أمل العونيين،المردة،جنبلاط ومقربين من دائرته بالشركتين بمناصب إدارية تا يزيد رواتبهم بلا معايير الحاجة والكفاءة.

واضافت في تغريدة ثانية متوجهة لمجلس ادارة شركة الفا : ‏مفترض خلصنا عهد السبونسرات بعد الإفلاس يا ‎جوني قرم شو صار
يا مجلس إدارة ‎الفا ما خلص بعد عهد النهب.
ما على أساس زدت الأسعار تا تضمن استمرارية القطاع وما نأفلس وتدفع للمازوت والموظفين والموردين
صرت بدك تربح من جيوب الناس المشحرة وتعمل ترقيات وسبونسرات
‎

وعادت فغردت تغريدة ثالثة : ‏عم يقول جوني قرم
الأولوية بدفع الدولارات الفريش للموردين مش للموظفين!
بكلمتين، يا وزير المافيا فيك تدفع للموردين 30٪ او 35٪
Fresh وتدفع الباقي بالعملة الوطنية للتجار والمحتكرين وشركة الصيانة ما في شي بيجبرك بهالظروف تدفع fresh
او القصة مش هيك يا فاسد بدك تقبض سمسرات على العقود؟

واكملت الناشطة نعمت بدر الدين فكتبت: ‏رحت ترفع يا ‎جوني قرم الاسعار خمس مرات تا تحسّن الصيانة و الإرسال ومؤشر الجودة واللي صار كل شي رجع لورا بدل ما تروح رؤية وخطة وإستراتيجية كان الأولى تحل القصص مع نقابة الموظفين وتزبط وضع الشركات بدل ما يضل متحكمين مجالس إدارة المحاصصة والتعيينات الطائفية يا فاسد

واضافت: ‏يعني هلئ صار ‎سالم عيتاني خارج نهج المحاصصة والفساد ومارقة من تحته المي والترقيات…يا عيني بوزارة الاتصالات كلن يعني كلن واللي ما طلعلو هلئ ترقيات
لتياره ما بيعني انو ملك العفة…
مجالس الإدارة من رؤسائهم لأعضائهم كلن جزء من خراب الوزارة وفوقن ديك المزبلة

واكملت : ‏هلئ اذا رئيس مجلس ادارة تاتش
‎سالم عيتاني اسألوه ليه؟
شو الحصة لي ما أعطاه اياه القرم واعطاه لمنافس تياره؟
لما يتقاتلوا التجار ببعضهم؟ عم تسمع يا نجيب التاجر الكبير

وقالت : ‏ما صدقنا خلصنا من محمد شقير وجمال الجراح وطلال الحواط ونيكولا صحناوي وبطرس حرب و. طلعلنا
الفاسد ‎جوني قرم يكمل نهج المحاصصة والتعيينات الطائفية والترقيات الاستنسابية التي لا تستند الى الحاجة(بزمن الإفلاس)
ولا الى الكفاءة.
قرم عامل حاتم طي من جيوبنا
والله سحلك حلال
‎

وختمت نعمت كاتبة: ‏علقان وزير ‎نجيب ميقاتي (هدية سليمان فرنجية لفريد الخازن) وزير الاتصالات ‎جوني قرم
مع ‎تيار المستقبل ونازلين بيانات ضد بعضهم
القصة مش هون!

شو الطبخة اللي على اساسها زعلانين غير الترقيات؟
مين مزعل ‎هشام عيتاني؟ وليه ‎ سالم عيتاني
مغضوب على أمره وليه غضبان من ولي نعمته

شاهد أيضاً

“استقلال البلد مهدد”… باسيل: دخلنا في حرب لم يكن يجب أن نقع فيها

أكد رئيس التيار الوطني الحر النائب جبران باسيل أنَّ “الحفاظ على الإستقلال هو أصعب من …